ભગવાન રામની મૂર્તિ પર વિધર્મીઓએ પથ્થરમારો કર્યો , અનેક વાહનોને આગ લગાડી: કર્ણાટકના કોલારમાં કરૌલી જેવી હિંસા

કર્ણાટકના કોલાર જિલ્લાના મુલબાગલમાં રામ નવમીની પૂર્વ સંધ્યાએ શોભાયાત્રા પર બદમાશોએ પથ્થરમારો કર્યા બાદ તણાવ પ્રવર્તી રહ્યો હતો. પોલીસના જણાવ્યા અનુસાર, આ ઘટના પછી, મુલબાગલમાં CrPC ની કલમ-144 હેઠળ પ્રતિબંધિત આદેશો લાગુ કરવામાં આવ્યા છે અને પાંચ લોકોને કસ્ટડીમાં લેવામાં આવ્યા છે.

પોલીસે જણાવ્યું કે રામ નવમીની પૂર્વ સંધ્યાએ આયોજિત શોભા યાત્રા શુક્રવારે બપોરે શિવકેશ નગરથી શરૂ થઈ હતી. જેમ જેમ સરઘસ જહાંગીર વિસ્તાર તરફ આગળ વધવાનું શરૂ થયું, ત્યારે અચાનક સાંજે 7.40 વાગ્યે પાવર કટ થઈ ગયો અને તોફાની તત્વોએ ભગવાન રામની મૂર્તિ પર પથ્થરમારો શરૂ કર્યો. સ્થળ પર હાજર પોલીસે હળવો બળપ્રયોગ કરીને સ્થિતિને કાબુમાં લીધી હતી. હાલ આ વિસ્તારમાં કડક પોલીસ બંદોબસ્ત ગોઠવી દેવામાં આવ્યો છે.

પોલીસ અધિકારીઓએ જણાવ્યું કે બદમાશોએ બે કારના કાચ પણ તોડી નાખ્યા અને એક બાઇકને આગ ચાંપી દીધી. આ ઘટનામાં કેટલાક યુવકો ઘાયલ પણ થયા છે. કોલારના એસપી ડી દેવરાજે જણાવ્યું હતું કે શુક્રવારે શોભા યાત્રા માટે મોટી સંખ્યામાં પોલીસ જવાનો તૈનાત કરવામાં આવ્યા હતા, પરંતુ વીજ પુરવઠો બંધ હોવાથી બદમાશો તકનો લાભ લેવામાં સફળ થયા હતા. આ મામલે તપાસ કરવામાં આવી રહી છે.

બદમાશોએ લાંબા સમય સુધી વિસ્તારમાં હોબાળો મચાવ્યો હતો. હાલમાં, વહીવટીતંત્રની પરવાનગી વિના આ વિસ્તારમાં કોઈ ધાર્મિક સરઘસની મંજૂરી નથી . પોલીસ બદમાશોને શોધી રહી છે. તાજેતરમાં, રાજસ્થાનના કરૌલીમાં, હિન્દુ નવા વર્ષના શુભ અવસર પર હિન્દુ સમુદાય પર હિંસક હુમલો થયો હતો.

Leave a Reply

Your email address will not be published.